ഖബർ

തക്ബീറിന്റെ ഇമ്പമേറ്റ് ഉറങ്ങുന്ന ഈ കല്ലു കഷ്ണങ്ങളെ, ആത്മാവിൽ ഒന്ന് ആവാഹിക്കണം...

ബീജമായ് പിറന്ന് ഞാനീ കാട്ടിലെത്തും മുൻപേ, ഈ മുൾ ചെടിയുടെ വേരിലൂടിറങ്ങി,ഇതെന്റെ ആത്മാവിനൊന്ന് തട്ടണം...

മൂന്നു കഷ്ണം തുണിയിലെന്നെ കഫം ചെയ്ത്, എനിക്കൊരു മൂടുകല്ലു ഒരുങ്ങും മുൻപേ, ഈ നോവൊന്നറിയണം...

എനിക്കായ് ആറടി മണ്ണൊരുങ്ങും മുൻപേ, ഈ മണ്ണിൽ പാതിരാവിലൊന്ന് എത്തി നോക്കണം...

എനിക്കായ് കണ്ണു നനയും മുൻപേ, എനിക്കീ പച്ചമണ്ണിൽ ഒരു തുള്ളി കണ്ണീർ പൊഴിക്കണം...

പരലോക യാത്രയിലീ കടവാതിലിനെയോർത്ത്, പാതിരാവിലെനിക്കൊന്ന് പൊട്ടികരയണം...

നാഥാ നീ തുണയേകുമോ...

_M@nU_

(photo courtesy:facebook group (perimbalam))

Comments

Post a Comment

Popular posts from this blog

വിരഹം

Image
ഞെട്ടറ്റു വീണ ഹിമകണങ്ങളിൽ, അഭ്രപാളിയിൽ വിരിഞ്ഞ നിറപുഷ്പമേ.. മറക്കുവാനാവില്ലീ ചില്ലുജാലകത്തിനും, നിന്റെ സ്നേഹഗന്ധം. ഇളവെയിൽ പാതി തുറന്ന നിന്റെ മിഴികളിൽ.. ഇളം കാറ്റു തഴുകിയ നിന്റെ മുടിഇഴകളിൽ.. ഇട വഴികളിലെ മന്ദസ്മിതങ്ങളിൽ നഷ്ടമായതെനിക്കെന്റെ ആത്മാവിനെ.. വസന്തം പുൽ വിരിച്ചൊരീ കൈവഴികളിൽ.. അറ്റുവീണീ ഇതളുകളിൽ അടിവച്ചകന്ന ആത്മസഖീ നിനക്കായ് ഒരായിരം ഓർമ്മപൂക്കൾ... നീ അകന്ന വഴികളിൽ നിന്റ തഴുകലേറ്റ പൂക്കളിൽ നിന്റെ പാതമേറ്റ മൺതരികളിൽ.. തേടി ഞാൻ നിന്റെ ആത്മാവിനായ്.. നീ അകന്ന ശൂന്യതയിലേക്ക് നോക്കവെ.. അനന്ദതയിൽ നിന്നത്രമേൽ വീര്യമേറിയതെൻതോ ഒരു പാനപാത്രത്തിലേക്കെന്ന പോലെ ഇറ്റു വീണു... M@nU
Read more

നഷ്ട പ്രണയം

ഉണ്ടെനിക്കൊരു പ്രണയം,കാറ്റിനും കടലിനും ഈ കാണും മലകൾക്കുമറിയാത്ത പ്രണയിനിയും... നീലാകാശവും ആയക്കടലും  ആയംനോക്കാതെ പ്രണയിച്ച മരുഭൂമിയുടെ സുൽത്താനാണ് ഞാൻ... കണ്ണൊന്നിറുക്കിയടച്ച് ഞാനവളെകണ്ടു..കയ്യൊന്ന് നീട്ടി ഞാനവളോടണഞ്ഞു.പ്രണയം പെയ്ത മരുവിന്റെ മരീചിക.. ഏഴാകാശങ്ങൾക്കും, ഈ അറബിക്കടലിനും അക്കരെ കിനാവിന്റെ  കൂടൊരുക്കി ഞാനവൾക്ക്... വറ്റിവരണ്ട മൺതരികളിൽ കാലമില്ലാതെ പെയ്തൊഴിഞ്ഞ പുണ്ണ്യമായിരുന്നവൾ... മറവിയുടെ മീസാൻ കല്ലിലുണ്ടിന്നവൾ... ജനിക്കാം ഈ മണ്ണിൽ അവളോടൊപ്പമിനിയും..നേരുന്നൊരായിരം ആശംസകൾ... -M@nU-
Read more

നിയ

Image
ഇത് ഒരു പ്രണയ കഥ... ആധുനികതയുടെ അതിപ്രസരങ്ങളുടെ ആരംഭകാലം.സാമൂഹിക മാധ്യമങ്ങളും മൊബൈൽ ഫോണുകളും വിപണിയിലേകെത്തി തുടങ്ങുന്ന സമയം."ഓർക്കൂട്ട് "കൗമാരക്കാർക്കിടയിൽ സജീവമായിരുന്നു.മുഖപുസ്തകം പിച്ചവെക്കാൻ തുടങ്ങുന്നു.. അവൻ (സാങ്കല്പികതയുടെ അക്ഷരക്കൂടുകളിൽ നിന്നെടുക്കുന്നൊരു പേരുകൊണ്ട് പോലും ആ നാമം കളങ്കപ്പെടുത്താൻ ഈ  തൂലികക്ക് ശക്തിപോര.)ഡിഗ്രി പഠിക്കുന്ന കാലം.ആധുനികതയിലേക് കടന്നുവരാൻ സാഹചര്യങ്ങൾ അനുകൂലമല്ലാത്ത ഏകാന്തതകളിലൊരു പ്രണയം കണ്ട യൗവനം.സുഹൃത് വലയങ്ങളിൽ താല്പര്യമില്ലാത്ത മനോഭാവം.ആ ജീവിത താളുകളിലേക്കുള്ള യാത്രയാണിത്.... ഇഷ്ടമാ മനസ്സിൽ ആദ്യമായ് മൊട്ടിടുന്നത് ഡിഗ്രി കാലയളവിലാണ്.ജീവിതത്തിന്റെ പുറമ്പോക്കിൽ എല്ലാത്തിനോടും മുഖം തിരിക്കുന്ന അവന്റെ ആത്മാവിൽ  അനുകമ്പയുടെ വിത്തുപാകിയ അദ്ധ്യാപിക. ആ സാമിപ്യവും ക്ലാസുകളും അവനിലൊരു പുത്തൻ അനുഭവമായിരുന്നു.അവരിലേക്കുള്ള വഴികളാണ് ഇന്റർനെറ്റ്‌ കഫെയുടെ പലകക്കൂടുകളിലവസാനിച്ചത് .സാമൂഹ്യ മാദ്യമങ്ങളിലേക്കുള്ള അവന്റെ ജാലകം തുറക്കപ്പെടുന്നതവിടെയാണ്.പിന്നീട് ആധുനിക വിദ്യാഭ്യാസത്തിൽ കമ്പ്യൂട്ടറിന്റെ പ്രദാന്യം അഹോരാത്രം ഉത്ബോധിപ്പിച്ചു 
Read more